कांग्रेस १५औँ महाधिवेशन : सबैभन्दा धेरै मत गगन थापालाई, २३१ जनाको पूर्ण नतिजा सार्वजनिक

नेपाली कांग्रेसको १५औँ महाधिवेशनबाट निर्वाचित पदाधिकारी तथा केन्द्रीय सदस्यहरूको पूर्ण नतिजा सार्वजनिक भएको छ। नतिजाअनुसार महाधिवेशनबाट पदाधिकारी र केन्द्रीय सदस्य गरी कुल २३१ जना निर्वाचित भएका छन्।

सभापतिमा निर्वाचित गगनकुमार थापाले महाधिवेशनमा सबैभन्दा धेरै मत पाएका छन्। उनले सभापतिमा प्रतिस्पर्धी श्यामकृष्ण खड्कालाई पराजित गरेका थिए। सबैभन्दा धेरै मत पाउने उम्मेदवारको सूचीमा थापा पहिलो स्थानमा छन्।

पूर्ण नतिजा सार्वजनिक भएसँगै महाधिवेशनमा कुन उम्मेदवारले कति मत पाए भन्ने विवरण पनि बाहिर आएको छ। शीर्ष १० मा परेका उम्मेदवारको विवरणसमेत सञ्चारमाध्यमहरूले प्रकाशित गरेका छन्।

नवनिर्वाचित सभापति थापाले आज फूलपातीका दिन शपथ लिएर पदबहाली गर्ने कार्यक्रम छ।