मतदाता नामावली अद्यावधिक, गत प्रतिनिधिसभा निर्वाचनपछि एक लाख ८७ हजार ६८६ मतदाता थपिए

निर्वाचन आयोगले मतदाता नामावली अद्यावधिक गरेको छ। आयोगका अनुसार गत प्रतिनिधिसभा निर्वाचनपछि मतदाता नामावलीमा एक लाख ८७ हजार ६८६ मतदाता थपिएका छन्।

गत प्रतिनिधिसभा निर्वाचनमा एक करोड ८९ लाख तीन हजार ६८९ मतदाता थिए। नयाँ अद्यावधिकपछि ती मतदातामा थप एक लाख ८७ हजार ६८६ जना जोडिएका हुन्।

निर्वाचन आयोगले नियमित रूपमा मतदाता नामावली अद्यावधिक गर्दै आएको छ। नामावली अद्यावधिक हुँदा पछिल्लो निर्वाचनपछि मतदान गर्न योग्य भएका र नाम दर्ता गराएका नागरिक नामावलीमा समेटिन्छन्।