वीरगञ्जका मुख्य सडक स्तरोन्नतिका लागि बोलपत्र आह्वान

पर्साको वीरगञ्ज क्षेत्रका मुख्य सडक विस्तार गर्न मकवानपुरको हेटौँडामा रहेको सडक डिभिजन कार्यालयले बोलपत्र आह्वान गरेको छ। पहिलो चरणमा त्रिभुवन राजपथअन्तर्गत वीरगञ्जको मितेरी पुलबाट घण्टाघर हुँदै गण्डक चोकसम्मको ८ किलोमिटर सडक स्तरोन्नति गरिनेछ। कार्यालयका इन्जिनियर दुर्गा प्रसादका अनुसार इदगाह चोकदेखि पावर हाउससम्मको खण्ड चार लेनको बनाइनेछ। सडकका दुवै किनारमा साइकल लेन र पैदल यात्रुका लागि फुटपाथ पनि निर्माण गरिनेछ।