रसुवा बाढीबारे निर्णय गर्न हानि तथा नोक्सानी कोषको आकस्मिक बैठक कात्तिक ५ गते

संयुक्त राष्ट्रसङ्घीय जलवायु संरचनाअन्तर्गतको हानि तथा नोक्सानी कोषले कात्तिक ५ गते आकस्मिक बैठक बोलाएको छ। बैठकको मुख्य विषय रसुवा बाढी हो।

रसुवाको भोटेकोसी–त्रिशूली करिडोरमा विनाशकारी बाढी आएपछि मानवीय र भौतिक सङ्कट उत्पन्न भएको छ। यो सङ्कट सम्बोधन गर्न बैठक बोलाइएको हो।

विपद्पछि आपत्कालीन सहायता दिने विषयमा निर्णय गर्न कोषले आफ्नो २६ सदस्यीय बोर्डको विशेष भर्चुअल बैठक बोलाएको हो।

जलवायु परिवर्तनका कारण भएका विपद्बाट हुने हानि र नोक्सानीमा सहायता गर्न यो कोष बनाइएको हो। बैठकमा रसुवा बाढीबाट प्रभावितलाई आपत्कालीन सहायता दिने विषयमा छलफल हुनेछ।