दसैँका बेला आपूर्ति सहज बनाउन तातोपानी नाका तीन दिन खुल्ने

चीनसँगको प्रमुख व्यापारिक नाका तातोपानी तीन दिनका लागि अस्थायी रूपमा खुल्ने भएको छ। दसैँका बेला वस्तु तथा सामग्रीको आपूर्ति सहज बनाउन यो नाका खोल्न लागिएको हो।

उद्योग, वाणिज्य तथा आपूर्ति मन्त्री दीपककुमार साहले चिनियाँ पक्षसँग छलफल गरेपछि नाका खोल्ने सहमति भएको हो।

बडादसैँका बेला बजारमा वस्तुको माग बढ्ने भएकाले आपूर्ति नियमित राख्न नाका खोल्न लागिएको हो। उत्तरी सीमामा रहेको तातोपानी नाका चीनसँग व्यापार गर्ने प्रमुख नाका हो।

नाका तीन दिनपछि फेरि बन्द हुनेछ। यो अवधिमा नाकाबाट वस्तु तथा सामग्री ल्याउन सकिनेछ।