बुढीगण्डकी बाढीले अवरुद्ध बेनिघाट–तातोपानी सडक खुल्यो

बुढीगण्डकी नदीमा आएको बाढीका कारण अवरुद्ध बनेको बेनिघाट–आरुघाट–लार्केभञ्ज्याङ सडकअन्तर्गत बेनिघाटदेखि तातोपानीसम्मको सडक खुलाउने काम सम्पन्न भएको छ।

पूर्वाधार विकासमन्त्री लम्सालले सो सडकखण्ड खुलाउने काम सकिएको जानकारी दिएका हुन्।

तातोपानी र आसपासका क्षेत्रमा बाढीले थुपारेका ढुङ्गा, माटो र गेग्रान हटाउने काम सकिएपछि सडक खुलेको हो। बाढीका कारण यो सडकखण्डमा आवागमन अवरुद्ध भएको थियो।

सडक खुलेसँगै बेनिघाटदेखि तातोपानीसम्मको खण्डमा सवारी आवागमन फेरि सम्भव भएको छ।