थोरङला पास हुँदै दुई सातामा ७७२ विदेशी पर्यटक मुस्ताङ पुगे

लमजुङको बेँसीसहरबाट मनाङ हुँदै थोरङला पास छिचोल्दै पछिल्लो दुई सातामा ७७२ जना विदेशी पर्यटक मुस्ताङ भित्रिएका छन्।

अन्नपूर्ण संरक्षण क्षेत्र आयोजनाको इलाका संरक्षण कार्यालयका अनुसार यी पर्यटक बेँसीसहरबाट मनाङको बाटो हुँदै थोरङला पास पार गरेर मुस्ताङ पुगेका हुन्।

बेँसीसहर–मनाङ–थोरङला–मुस्ताङ रुट अन्नपूर्ण क्षेत्रका पदयात्रीले रोज्ने प्रमुख पदमार्ग हो। दुई सातामै सात सयभन्दा बढी विदेशी पर्यटकले यो पास पार गरेका छन्।

पर्यटनको मुख्य याम सुरु भएसँगै अन्नपूर्ण क्षेत्रको यो पदमार्गमा विदेशी पर्यटकको आवागमन बढेको हो।