कांग्रेसको बहिष्कारबीच सुदूरपश्चिम प्रदेशसभाबाट बजेट पारित

सुदूरपश्चिम प्रदेशसभाले चालु आर्थिक वर्ष २०८३/८४ को बजेट पारित गरेको छ। धनगढीमा मंगलबार साँझ ६ बजे बसेको प्रदेशसभा बैठकले प्रदेश सरकारको बजेट पारित गरेको हो।

यसअघि प्रदेशसभाको बैठक साँझ ५ बजेका लागि तय गरिएको थियो। पछि साँझ ६ बजे बसेको बैठकबाट बजेट पारित भएको हो।

प्रदेशसभामा बजेटसम्बन्धी विवाद चर्किएपछि प्रमुख प्रतिपक्षी दल नेपाली कांग्रेसले बैठक बहिष्कार गरेको थियो। कांग्रेसको बहिष्कारबीच नै प्रदेशसभामा बजेटका प्राथमिकतामाथि छलफल भएको थियो।

कांग्रेसको बहिष्कार जारी रहेकै अवस्थामा प्रदेशसभाले बजेट पारित गरेको हो। बजेट पारित भएसँगै सुदूरपश्चिम प्रदेश सरकारले चालु आर्थिक वर्षका लागि ल्याएको बजेटले प्रदेशसभाको अनुमोदन पाएको छ।