घटस्थापनादेखि एक लाख ९ हजार ६३६ जनाले छाडे काठमाडौं उपत्यका

बडादसैँ मनाउन काठमाडौं उपत्यकाबाट आफ्नो घर फर्किने यात्रुको चाप दिनहुँ बढ्दै गएको छ। घटस्थापनादेखि मंगलबारसम्म एक लाख नौ हजार ६३६ जनाले काठमाडौं उपत्यका छाडेका छन्।

बडादसैँ नजिकिएसँगै राजधानी छाडेर गाउँ फर्किनेको चहलपहल बढेको छ। दसैँ मनाउन आफ्नो घर जाने यात्रु बढेसँगै कलंकीलगायत उपत्यकाका विभिन्न नाकामा यात्रु तथा सार्वजनिक सवारीसाधनको चाप देखिन थालेको छ।

उपत्यकाका प्रमुख नाकाहरूमा घर फर्किन लागेका यात्रु र उनीहरूलाई लैजाने सार्वजनिक सवारीसाधनको भीड बढेको छ। दसैँ नजिकिँदै जाँदा उपत्यकाबाट बाहिरिने यात्रुको संख्या दिनहुँ बढिरहेको छ।

दसैँ हिन्दुहरूको महान् पर्व हो। यो पर्व मनाउन रोजगारी, अध्ययन तथा अन्य कामका सिलसिलामा काठमाडौं उपत्यकामा बस्दै आएका धेरै नागरिक हरेक वर्ष आफ्नो घर फर्किने गर्छन्।