नेपाल प्रिमियर लिगको तेस्रो संस्करण सोमबारदेखि कीर्तिपुरमा सुरु हुँदै

काठमाडौं । नेपाल प्रिमियर लिग (एनपीएल) को तेस्रो संस्करण सोमबारदेखि औपचारिक रूपमा सुरु हुँदैछ। प्रतियोगिता कीर्तिपुरस्थित त्रिभुवन विश्वविद्यालय अन्तर्राष्ट्रिय क्रिकेट मैदानमा हुनेछ।

यस संस्करणमा विश्व क्रिकेटका चर्चित खेलाडीको सहभागिता, अन्तर्राष्ट्रिय क्रिकेट परिषद् (आइसिसी) को आधिकारिक मान्यता र डिसिजन रिभ्यू सिस्टम (डिआरएस) को प्रयोग नयाँ विषयका रूपमा रहेका छन्।

प्रतियोगितामा नेपाली खेलाडीसँगै विदेशी ‘स्टार’ खेलाडीहरू पनि विभिन्न टोलीबाट खेल्दैछन्।

डिभिजन क्रिकेटबाट एकदिवसीय अन्तर्राष्ट्रिय मान्यता र टी–२० सम्म पुगेको नेपाली क्रिकेटमा एनपीएललाई व्यावसायिक रूपान्तरणको आधारका रूपमा पनि हेरिएको छ।