मिडिया काउन्सिल विधेयक कानुन मन्त्रालयको परामर्शमा, सरकार अघि बढ्यो

सरकारले प्रेस काउन्सिललाई पुनर्संरचना गरी बढी अधिकारसहितको स्वायत्त नियामक निकाय बनाउने मिडिया काउन्सिल विधेयक अघि बढाएको छ। सञ्चार तथा सूचना प्रविधि मन्त्रालयले तयार पारेको विधेयक राय लिन कानुन, न्याय तथा संसदीय मामिला मन्त्रालयमा पठाइएको छ। कानुन मन्त्रालयले हाल प्रस्ताव अध्ययन गरिरहेको छ।

कानुनमन्त्री सोबिता गौतमले शुक्रबार गृहमन्त्री सुधन गुरुङ र सञ्चार तथा सूचना प्रविधिमन्त्री डा. बिक्रम तिमिल्सिनासँग विधेयकबारे छलफल गर्नुभएको छ। छलफलमा उच्च सरकारी अधिकारी र नेपाल प्रहरीको साइबर ब्युरोका प्रतिनिधि पनि सहभागी थिए।