प्रधानमन्त्रीको सम्भावित भारत भ्रमणअघि जनकपुर–अयोध्या रेल सञ्चालनको तयारी तीव्र

प्रधानमन्त्री वालेन्द्र शाहको सम्भावित भारत भ्रमणको चर्चासँगै जनकपुरदेखि भारतको अयोध्यासम्म रेल सेवा चलाउने तयारी तीव्र बनाइएको छ। नेपाली अधिकारीहरूका अनुसार मंसिरको पहिलो सातादेखि यो सेवालाई अन्तिम रूप दिने प्रयास हुनेछ। यसका लागि आन्तरिक तयारी र भारतीय पक्षसँगको छलफल दुवैलाई तीव्रता दिइएको छ।

लामो समयदेखि चर्चामा रहे पनि यो प्रस्तावले अहिलेसम्म ठोस निष्कर्ष पाएको छैन। प्रधानमन्त्री शाह मंसिरमा भारतको औपचारिक भ्रमणमा जान सक्ने चर्चा चलेसँगै भारत पनि यो सेवा सुरु गर्न सकारात्मक देखिएको अधिकारीहरू बताउँछन्। प्रधानमन्त्री शाह र भारतीय प्रधानमन्त्री नरेन्द्र मोदीले यो रेल सेवा संयुक्त रूपमा उद्घाटन गर्न सक्ने विवरण केही नेपाली सञ्चारमाध्यममा आएका छन्।

अधिकारीहरूले सोही सम्भावित भ्रमणलाई लक्ष्य बनाएर काम भइरहेको बताएका छन्।