नेपाली गेमिङ उद्योगलाई विश्व बजारमा पुर्‍याउन नीति पुनरावलोकन गर्ने प्रधानमन्त्री शाहको घोषणा

प्रधानमन्त्री वालेन्द्र शाह (बालेन) ले गेम डेभलपमेन्ट तथा सूचना प्रविधि (आईटी) उद्योगको विकास र विस्तारका लागि नीतिगत सुधार तथा कर सहुलियतको व्यवस्था गर्ने बताएका छन्। उनले १४ कात्तिकमा यस क्षेत्रसम्बन्धी सरकारको योजना सार्वजनिक गरेका हुन्।

नेपाली गेमिङ तथा आईटी उद्योगलाई अन्तर्राष्ट्रिय बजारमा प्रतिस्पर्धी बनाउन सरकारले अहिलेका नीति, नियम र व्यावसायिक वातावरण पुनरावलोकन गर्ने भएको छ। प्रधानमन्त्री शाहले गेमिङ तथा आईटी क्षेत्रलाई उद्योगका रूपमा विकास गर्न र सहजीकरण गर्न नीतिगत पुनरावलोकन तथा गृहकार्य सुरु भइसकेको जानकारी दिएका छन्।

प्रधानमन्त्रीले ‘लुडो’ र ‘कलब्रेक’ गेमको उदाहरण दिँदै नेपाली गेमिङ उद्योगलाई विश्व बजारमा स्थापित गर्ने नीति ल्याउने बताएका छन्। उनले नेपाललाई ‘ग्लोबल युनिकर्न’ बनाउने लक्ष्यसहित यस क्षेत्रका नीति पुनरावलोकन गरिने बताएका छन्।

सरकारले गेम डेभलपमेन्ट क्षेत्रलाई सरल बनाउने उद्देश्यले यो योजना अघि सारेको जनाएको छ।