डोल्पा जिल्ला कारागारबाट सुरुङ खनेर ८ जना कैदी फरार

डोल्पाको सदरमुकाम दुनैस्थित जिल्ला कारागारबाट ८ जना कैदी फरार भएका छन्। कारागारभित्रबाट सुरुङ खनेर उनीहरू शुक्रबार राति भागेका हुन्।

जिल्ला प्रहरी कार्यालय डोल्पाका डीएसपी अनिलराज गिरीले कैदीहरू गएराति सुरुङ खनेर भागेको जानकारी दिए।

घटनाबारे प्रमुख जिल्ला अधिकारी हमालले सीसी क्यामेराको फुटेज हेरिरहेको बताइन्। थप विवरण अध्ययन गरेपछि मात्र जानकारी दिन सकिने उनको भनाइ छ।

फरार कैदीहरूको नाम र उनीहरूमाथि लागेको मुद्दाबारे अहिलेसम्म आधिकारिक विवरण सार्वजनिक भएको छैन।