कमल थापाको प्रधानमन्त्रीलाई सुझाव: सबैलाई समेट्ने राष्ट्रिय मेलमिलाप

राष्ट्रिय प्रजातन्त्र पार्टीका अध्यक्ष कमल थापाले प्रधानमन्त्री बालेन्द्र शाहलाई मुलुकको शासकीय स्वरूप फेर्न सुझाव दिनुभएको छ। शुक्रबार जनकपुरधाममा राप्रपा धनुषाको कार्यक्रममा बोल्दै उहाँले संघीयतासहितको धर्मनिरपेक्ष व्यवस्था असफल भइसकेको दाबी गर्नुभएको छ। थापाले राजादेखि सबै दल र नेतालाई समेट्ने राष्ट्रिय मेलमिलापको वातावरण बनाउन प्रधानमन्त्रीलाई आग्रह गर्नुभएको छ।

पूर्वउपप्रधानमन्त्री तथा पूर्वगृहमन्त्री थापाका अनुसार विगतको नेतृत्वले यो व्यवस्था चलाउन सकेन, त्यसैले पुरानै शासकीय संरचना कायम राख्नु उचित हुँदैन। उहाँले अघिल्ला शासकले भोगेको नियति दोहोरिने बाटोमा नहिँड्न र राजनीतिक व्यवस्थामै परिवर्तनको पहल गर्न प्रधानमन्त्रीलाई सुझाव दिनुभएको छ।