अर्थ मन्त्रालयमा ५ सहसचिव पद रिक्त, दुई निकाय प्रमुखविहीन

अर्थ मन्त्रालयअन्तर्गतका विभाग र निकायमा सहसचिवका ५ पद रिक्त भएका छन्। सहसचिवको सरुवा र दुई जनाको राजीनामापछि पाँचवटा महाशाखा, कार्यालय र विभागमा नियमित नेतृत्व छैन। असोज १३ को मन्त्रिपरिषद् बैठकले त्रिभुवन अन्तर्राष्ट्रिय विमानस्थल भन्सार कार्यालयका सहसचिव रामकृष्ण पुडासैनीलाई घोराही उपमहानगरपालिकाको प्रमुख प्रशासकीय अधिकृत बनाएर सरुवा गरेको थियो।

उहाँको ठाउँमा अझै सहसचिव नपठाइँदा उपसचिव धनबहादुर बरूवालले सो कार्यालयको निमित्त प्रमुखको जिम्मा सम्हाल्नुभएको छ। सोही दिन सहमहालेखा नियन्त्रक विष्णु ज्ञवालीको पनि सरुवा भएको थियो। निमित्तले काम चलाए पनि ठूला निर्णय गर्नुपर्दा अप्ठ्यारो पर्ने गरेको मन्त्रालयका अधिकारीहरूले बताएका छन्।

२०८२ चैत १३ मा नयाँ सरकार गठन भएयता मन्त्रालयका सबै सहसचिव पद एकपटक पनि पूर्ण भएका छैनन्।