महासचिव पोखरेलसँग मनमुटावको हल्ला निराधार: एमाले अध्यक्ष ओली

नेपाल कम्युनिस्ट पार्टी (एमाले) का अध्यक्ष केपी शर्मा ओलीले पार्टी महासचिव शंकर पोखरेलसँग आफ्नो सम्बन्धमा मनमुटाव आएको भन्ने सार्वजनिक चर्चालाई खण्डन गरेका छन्।

अध्यक्ष ओलीले महासचिव पोखरेलसँग आफ्नो सम्बन्धमा दरार आएको भन्ने चर्चा पूर्णतः निराधार भएको बताउँदै त्यसलाई खारेज गरेका हुन्।

‘फोन उठाउनुभएन भन्ने कुरालाई मात्रै आधार बनाएर सम्बन्धमा समस्या छ भन्न मिल्दैन,’ उनले भने। महासचिवसँग आफ्नो कुनै मनमुटाव नरहेको पनि अध्यक्ष ओलीले स्पष्ट पारेका छन्।

अध्यक्ष ओली र महासचिव पोखरेलबीचको सम्बन्धबारे सार्वजनिक रूपमा चर्चा भइरहेका बेला ओलीले यस्तो धारणा सार्वजनिक गरेका हुन्।