फेरिचे हेलिप्याडमा दुई हेलिकप्टर ठोक्किँदा घाइते तीन जनाको उपचार जारी

सोलुखुम्बूको फेरिचे हेलिप्याडमा अवतरणका क्रममा दुई हेलिकप्टर आपसमा ठोक्किँदा घाइते भएका तीन जनाको नेपाल मेडिसिटी अस्पतालमा उपचार भइरहेको छ। दुर्घटना मंगलबार भएको थियो।

यो दुर्घटनापछि खुम्बु क्षेत्रमा हवाई सुरक्षा र नियामकीय निगरानीबारे फेरि गम्भीर प्रश्न उठेका छन्।

खुम्बु भेगमा हेलिकप्टर व्यापारको ७० प्रतिशत हिस्सा रहेको छ। तर सोही भेगमा नागरिक उड्डयन प्राधिकरण र राज्यको उपस्थिति नहुँदा वायुसेवा कम्पनी र पाइलटको मनपरीलाई मलजल पुगेको समाचारमा उल्लेख छ।

सो क्षेत्रमा कम्पनीबीचको तीव्र प्रतिस्पर्धाले हवाई सुरक्षामा सम्झौता भइरहेको र नियामक निकाय मुकदर्शक बनेको भन्दै प्रश्न उठेका छन्।