कांग्रेसका पूर्व प्रदेश सांसद फकुरुद्दिन खान रास्वपामा

नेपाली कांग्रेसका युवा नेता तथा लुम्बिनी प्रदेशसभाका पूर्वसदस्य फकुरुद्दिन खान राष्ट्रिय स्वतन्त्र पार्टी, रास्वपामा प्रवेश गर्नुभएको छ। रुपन्देहीबाट प्रदेशसभा सदस्यमा निर्वाचित खान प्रदेशसभामा रहँदा कांग्रेसका प्रमुख सचेतकसमेत हुनुहुन्थ्यो। खानले कांग्रेस र रास्वपाबीच आफूले देखेको राजनीतिक समानतालाई पार्टी परिवर्तनको मुख्य कारण बताउनुभएको छ।

उहाँका भनाइमा रास्वपा पनि कांग्रेसजस्तै पार्टी भएकाले उहाँ त्यसमा जोडिनुभएको हो। उहाँ रास्वपामा गएपछि रुपन्देहीमा दलगत समीकरण र आगामी राजनीतिक गतिविधिबारे बहस सुरु भएको छ।