कांग्रेस निर्वाचन समितिद्वारा पार्टीलाई एक करोड रुपैयाँ हस्तान्तरण

नेपाली कांग्रेसको केन्द्रीय निर्वाचन समितिले १५औँ महाधिवेशन सकिएपछि आफ्नो खातामा बाँकी रहेको रकममध्ये १ करोड रुपैयाँ पार्टीलाई हस्तान्तरण गरेको छ। समितिका अनुसार सो रकम बराबरको चेक केन्द्रीय कार्यसमितिलाई बुझाइएको हो। पार्टी सञ्चालन गर्दा नवनिर्वाचित नेतृत्वलाई आर्थिक अभाव नपरोस् भन्ने उद्देश्यले रकम दिइएको समितिले जनाएको छ।

निर्वाचनका क्रममा उठेको कुल रकमको हिसाबकिताब टुंग्याउने काम भने जारी रहेको समितिले बताएको छ। निर्वाचन समितिका पदाधिकारीले कसैले पनि पारिश्रमिक वा भत्ता नलिई स्वेच्छिक रूपमा काम गरेको स्पष्ट पारेका छन्। त्यही योगदानका कारण बचेको रकम संगठन सुदृढीकरण र नयाँ नेतृत्वको कार्यसम्पादनमा सघाउन दिइएको समितिको भनाइ छ।