भोटेकोशी बाढीपीडितका लागि रेडक्रसले २ हजार घर बनाउने, भवन विभागसँग सम्झौता

नेपाल रेडक्रस सोसाइटीले रसुवा र भोटेकोशी क्षेत्रमा बाढीबाट प्रभावित परिवारका लागि दुई हजार घर बनाउने भएको छ। रेडक्रसले एक हजार अस्थायी आवास र एक हजार स्थायी घर बनाउनेछ।

यसका लागि रेडक्रसले भवन विभागसँग सम्झौता गरेको छ। सम्झौताअनुसार रेडक्रसले बाढीप्रभावित परिवारका लागि निजी आवास निर्माण गर्नेछ।

सम्झौताअनुसार बाढीमा घर गुमाएका झन्डै पाँच हजार जनालाई भाडा सहायता दिने सहमति पनि भएको छ।

रसुवा र भोटेकोशी क्षेत्रमा आएको बाढीमा धेरै परिवारले घर गुमाएका छन्। घर बनाउने र भाडा सहायता दिने यो सहमति ती परिवारको आवास समस्या समाधानका लागि गरिएको हो।