प्रधानमन्त्री राहत कोषहरूमा पौने १८ अर्ब रुपैयाँ मौज्दात

काठमाडौँ । प्रधानमन्त्री दैवी प्रकोप उद्धार कोष र प्रधानमन्त्री राहत कोषमा १७ अर्ब ७५ करोड रुपैयाँ (पौने १८ अर्ब) मौज्दात रहेको छ।

रसुवाको भोटेकोशी बाढीपछि यी दुई कोषमा आर्थिक सहयोग आउने क्रम अझै जारी छ। बाढी प्रभावित नागरिकलाई आर्थिक सहायता दिन कोषमा रकम जम्मा भइरहेको हो।

प्रधानमन्त्री तथा मन्त्रिपरिषद्को कार्यालयले कोषको मौज्दातबारे जानकारी दिएको छ।

भोटेकोशी बाढीले रसुवासहित धेरै जिल्लामा क्षति पुर्‍याएको छ। प्रभावितलाई राहत दिन यी कोषमा सहयोग जुटाउने काम भइरहेको छ।