नेकपा संयुक्तका नेता एवं पूर्वसांसद डा. विजय पौडेलको निधन

पूर्वसांसद एवं नेकपा संयुक्तका नेता डा. विजय पौडेलको निधन भएको छ। उनको सोमबार कीर्तिपुर अस्पतालमा निधन भएको हो।

सोमबार दिउँसो नैकापस्थित निवासमै रहेका बेला असहज महसुस भएपछि उपचारका लागि अस्पताल लैजाने क्रममा उनको निधन भएको हो। उनलाई हृदयघात भएको आशंका गरिएको छ।

कीर्तिपुर अस्पतालका कार्यकारी निर्देशक डा. किरण नकर्मीका अनुसार पौडेललाई अस्पताल ल्याइपुर्‍याउँदै गर्दा उनको निधन भएको हो।

पौडेल पूर्वसांसद हुन् र पछिल्लो समय नेकपा संयुक्तका नेताका रूपमा सक्रिय थिए। उनको निधनको खबर विभिन्न सञ्चारमाध्यमले सोमबार सार्वजनिक गरेका छन्।