बाढीपहिरोको क्षतिका कारण कांग्रेसले यस वर्ष कोजाग्रत पूर्णिमामा चियापान नगर्ने

नेपाली कांग्रेसले कोजाग्रत पूर्णिमाका अवसरमा आयोजना गर्दै आएको परम्परागत चियापान कार्यक्रम यस वर्ष नगर्ने भएको छ।

कांग्रेसका कार्यवाहक मुख्य सचिव कृष्णप्रसाद दुलालले आइतबार विज्ञप्ति जारी गर्दै यसबारे जानकारी दिएका हुन्। विज्ञप्तिमा बाढीपहिरोका कारण ठूलो जनधनको क्षति भएको दुःखद घडीमा चियापान समारोह आयोजना नगरिने उल्लेख छ।

देश बाढीपहिरोलगायतका प्राकृतिक विपत्तिका कारण शोकमा रहेका बेला कांग्रेसले यो निर्णय गरेको हो। भोटेकोशीमा आएको बाढीमा ठूलो मानवीय क्षति भएको शोकका कारण कार्यक्रम नगरिएको जनाइएको छ।

कांग्रेसले हरेक वर्ष कोजाग्रत पूर्णिमाको दिन चियापान कार्यक्रम आयोजना गर्दै आएको छ। यस वर्ष भने उक्त कार्यक्रम नहुने पार्टीले जनाएको छ।