अमेरिकी विदेशमन्त्री रुबियो भारत भ्रमणमा, ऊर्जा र व्यापार प्राथमिकतामा

अमेरिकी विदेशमन्त्री मार्को रुबियो भारत र उज्बेकिस्तान भ्रमणका लागि शनिबार प्रस्थान गर्नुभएको छ। अमेरिकी विदेश मन्त्रालयका अनुसार उहाँ अक्टोबर २० मा भारत पुग्नुहुनेछ। भारतमा उहाँले वरिष्ठ सरकारी अधिकारी र व्यापारिक अगुवासँग भेटेर ऊर्जा, व्यापार, लगानी, रक्षा र उदीयमान प्रविधिमा सहकार्यबारे छलफल गर्ने कार्यक्रम छ।

भ्रमणमा अमेरिका–भारत रणनीतिक साझेदारी पनि प्रमुख विषय रहनेछ। रुसी तेल वा ग्यासका ठूला आयातकर्ता देशबाट अमेरिका आउने वस्तुमा १०० प्रतिशतसम्म थप शुल्क लगाउन सकिने प्रस्तावित कानुनको असर अध्ययन गर्न ट्रम्प प्रशासनले ६० दिनको समय लिएका बेला यो भ्रमण हुन लागेको हो। उक्त सम्भावित शुल्कले रुसबाट इन्धन किन्ने भारतलगायतका देशलाई असर गर्न सक्छ।

रुबियोले भारतलाई अमेरिकाको महत्त्वपूर्ण सहयोगी भन्दै रुसी इन्धनमाथिको निर्भरता तुरुन्तै अन्त्य गर्न भारतलाई गाह्रो हुने बताउनुभएको छ।