कोलकाताको दुर्गा पूजा पण्डालमा भागदौड, १९ जनाको मृत्यु, २५ घाइते

भारतको पश्चिम बंगालस्थित उत्तर कोलकाताको चोरेबगान दुर्गा पूजा पण्डालमा शनिबार साँझ भागदौड मच्चिँदा कम्तीमा १९ जनाको मृत्यु भएको छ। घटनामा २५ जना घाइते भएका छन्।

कोलकाता प्रहरीका अनुसार शनिबार साँझ वर्षा सुरु भएपछि पानीबाट जोगिन धेरै मानिस पण्डालभित्र ओत लागेका थिए। वर्षाका कारण पण्डालमा अत्यधिक भीड हुँदा भागदौड मच्चिएको थियो।

दुर्गा पूजाका अवसरमा पण्डालमा दर्शन गर्न आएका भक्तजनको भीड रहेका बेला यो घटना भएको हो। घटना महाषष्ठी तथा महासप्तमीका दिन भएको जनाइएको छ।

घाइतेको उपचार भइरहेको छ। मृतक र घाइतेको विस्तृत विवरण भने सार्वजनिक भइसकेको छैन।