फ्रान्समा महँगीविरुद्धको प्रदर्शन हिंसात्मक, १२ सयभन्दा बढी पक्राउ, १५० प्रहरी घाइते

फ्रान्समा विद्यालयको दयनीय अवस्था र बढ्दो महँगीविरुद्ध शनिबार देशभर भएको विरोध प्रदर्शन हिंसात्मक बनेको छ।

राजधानी पेरिससहित विभिन्न सहरमा प्रदर्शनका क्रममा आगजनी, तोडफोड र लुटपाटका घटना भएका छन्। यस क्रममा १२ सयभन्दा बढी मानिस पक्राउ परेका छन् भने १५० प्रहरी घाइते भएका छन्।

फ्रान्सेली सरकारका अनुसार देशभर करिब ५ लाख ५० हजार मानिस प्रदर्शनमा सहभागी भएका थिए। प्रदर्शन विद्यार्थीहरूले सुरु गरेका थिए।

राष्ट्रपति इम्यानुएल म्याक्रोनको उत्तराधिकारी चयन गर्ने निर्वाचन नजिकिँदै गर्दा जीवनयापनको बढ्दो लागतविरुद्ध यो राष्ट्रव्यापी प्रदर्शन भएको हो।