चितवनमा दसैँमा ३० करोड रुपैयाँभन्दा बढीको खसीबोका कारोबार हुने अनुमान

बडादसैँका अवसरमा चितवनमा यस वर्ष ३० करोड रुपैयाँभन्दा बढीको खसीबोकाको कारोबार हुने अनुमान गरिएको छ। जिल्लाका व्यवसायीले यस्तो जानकारी दिएका हुन्।

दसैँको सुरुआतसँगै जिल्लामा खसीबोका र मासुको व्यापार उल्लेख्य रूपमा बढेको छ। व्यवसायीका अनुसार दसैँका बेला मासुको माग बढ्ने भएकाले बजारमा खसीबोकाको किनबेच बढेको हो।

बडादसैँमा खसी, बोका, राँगा, बङ्गुर र कुखुराको बलि दिने परम्परा छ। यसैकारण यो पर्वमा पशुपन्छी र मासुको खपत अन्य समयको तुलनामा धेरै हुन्छ।

दसैँका प्रमुख दिनहरू नजिकिँदै गर्दा जिल्लाका बजारमा खसीबोका किन्नेको चहलपहल बढेको व्यवसायीले जनाएका छन्।