दसैँ बिदाका कारण भिटामिन ‘ए’ र जुकाको औषधि खुवाउने कार्यक्रम सर्‍यो, कात्तिक १७ र १८ मा हुने

दसैँको बिदाका कारण यस वर्ष पहिलो चरणको राष्ट्रिय भिटामिन ‘ए’ तथा जुकाको औषधि वितरण कार्यक्रम सरेको छ।

स्वास्थ्य सेवा विभागका अनुसार उक्त कार्यक्रम अब कात्तिक १७ र १८ गते सञ्चालन हुनेछ। दसैँको बिदा परेकाले कार्यक्रमको मिति सारिएको हो।

राष्ट्रिय भिटामिन ‘ए’ तथा जुकाको औषधि वितरण कार्यक्रम स्वास्थ्य सेवा विभागले सञ्चालन गर्दै आएको राष्ट्रिय कार्यक्रम हो। यस वर्षको पहिलो चरण अन्तर्गत भिटामिन ‘ए’ र जुकाको औषधि वितरण नयाँ तोकिएको मितिमा हुने विभागले जनाएको छ।

विभागका अनुसार कात्तिक १७ र १८ गते देशभर यो कार्यक्रम सञ्चालन गरिनेछ।