कोरियामा छुसकका बेला नेपथ्यको कन्सर्टमा हजारौँ नेपाली

दक्षिण कोरियामा छुसक पर्वको माहोलबीच लोकप्रिय नेपाली ब्यान्ड नेपथ्यको कन्सर्टमा हजारौँ नेपाली दर्शक एकै ठाउँमा जम्मा भएका छन्। लोकरक गीत प्रस्तुत गर्न नेपथ्य कोरिया पुगेको यो छैटौँ पटक हो। शुक्रबार किन्टेक्स हलमा भएको कार्यक्रममा भीड यति ठूलो थियो कि आयोजक र कोरियाली सुरक्षाकर्मीलाई व्यवस्थापन गर्न कठिन भएको थियो।

मञ्चअगाडिको घुइँचो कम गर्न गायक आफैँले दर्शकलाई आग्रह गर्नुपरेको थियो। कार्यक्रमस्थल जाने जीटीएक्स रेलहरू नेपाली दर्शकले खचाखच भरिएका थिए भने हजारौँ दर्शक अटाउने अत्याधुनिक हल पनि टम्म भरिएको थियो। नेपथ्यको झन्डै साढे तीन दशकको यात्रामा बन्द हलभित्र यति ठूलो भेला बेलायतको वेम्बली एरिनाको सम्झना गराउने स्तरको रहेको बताइएको छ।

कन्सर्ट 'कोशीको पानी यो जिन्दगानी' गीतबाट सुरु भएको थियो।