युरोपेली फुटबल: ला लिगामा बार्सिलोना र रियल मैदानमा, प्रिमियर लिगको छैटौँ चरण सुरु, रोनाल्डोको ९८०औँ गोल

स्पेनिस ला लिगाको आठौँ चरणमा आज शनिबार बार्सिलोना र रियल म्याड्रिड मैदानमा उत्रँदै छन् भने इंग्लिस प्रिमियर लिगको छैटौँ चरण सुरु हुँदै छ। बार्सिलोनाले नेपाली समयअनुसार राति १० बजेर १५ मिनेटमा गेटाफेसँग खेल्नेछ। ला लिगामा आज साँझ ५ बजेर ४५ मिनेटमा रायो भालेकानो र एथलेटिक बिल्बाओ तथा ८ बजे डेपोर्टिभो अलाभेस र एट्लेटिको म्याड्रिड भिड्नेछन्।

शुक्रबार राति मालागा र इस्पान्योलको खेल १–१ गोलको बराबरीमा टुंगिएको छ। तीन साताको अन्तर्राष्ट्रिय विश्रामपछि फर्किएको प्रिमियर लिगमा आज ६ खेल हुँदै छन्। आर्सनलले साँझ ५ बजेर १५ मिनेटमा लिड्स युनाइटेडसँग र म्यानचेस्टर युनाइटेडले राति १० बजेर १५ मिनेटमा टोटनहम हट्सपरसँग खेल्नेछन्।

अघिल्लो चरणमा आर्सनल ब्राइटनसँग ३–० ले पराजित भएको थियो भने लिड्स यो सिजन अपराजित छ। यता, साउदी प्रो लिगमा क्रिस्टियानो रोनाल्डोले करिअरको ९८०औँ गोल गरेका छन्। शुक्रबार अल नासरले दिरियाहलाई ३–० गोलले हराएको खेलमा उनले २५औँ मिनेटतिर पहिलो गोल गरेका हुन्।

यो जितपछि अल नासर शीर्षस्थानको अल कादसियासँग बराबर अंकमा पुगेको छ, तर गोल अन्तरका आधारमा दोस्रो छ।