एनपीएल: जनकपुर बोल्ट्सका समर्थकको ‘गो ग्रीन’ अभियान, हरेक बाउन्ड्री र विकेटमा एउटा बिरुवा

जनकपुर बोल्ट्सको आधिकारिक समर्थक समूह बोल्ट्स आर्मीले टोलीले प्रहार गर्ने हरेक बाउन्ड्री र लिने हरेक विकेटमा एउटा बिरुवा रोप्ने प्रतिबद्धता जनाएको छ। समूहले वातावरण जोगाउन र हरियाली बढाउन 'गो ग्रीन' अभियान र दसैँ भेटघाट कार्यक्रम एकैसाथ आयोजना गरेको छ। क्रिकेटलाई वातावरण संरक्षणसँग जोडेर हरियाली फैलाउने लक्ष्यले यो पहल सुरु गरिएको समूहले जनाएको छ।

कार्यक्रममा टोलीका समर्थक, विभिन्न क्षेत्रका व्यक्तित्व र अतिथि सहभागी थिए। त्रिथ राज दास र सरेषा श्रेष्ठ कार्यक्रमका प्रमुख अतिथि हुनुहुन्थ्यो। मिस मिथिला नारी पुष्पा जैसवाल, इन्जिनियर सिमरन साह, आकृति कठायत, श्रुति महतो, प्रशंसा यादव, पूजा यादव, अञ्जना पटेल र मुस्कान ठाकुर पनि कार्यक्रममा उपस्थित थिए।