मुम्बई–अहमदाबाद बुलेट रेलको ढिलाइमा भारत र जापानबिच दोषारोपण

मुम्बई–अहमदाबाद उच्चगतिको बुलेट रेल आयोजनामा भएको ढिलाइलाई लिएर भारत र जापानबीच सार्वजनिक रूपमै आरोप–प्रत्यारोप सुरु भएको छ। दुई देशको संयुक्त लगानीको यो करिडोरमा ढिलाइका साथै प्राविधिक सम्झौता र खरिद प्रक्रियामा पनि विवाद देखिएको छ। जापानका पूर्वकानुनमन्त्री हिदेकी माकिहाराले ढिलाइको पूरै दोष भारतको रहेको आरोप लगाउनुभएको छ।

उहाँले भारतीय वार्ताकारले पटक–पटक आफ्नो अडान बदलेको पनि दाबी गर्नुभएको छ। दुई देशबीचको रणनीतिक साझेदारीको प्रतीकका रूपमा हेरिएको आयोजनामा यस्तो खुला आलोचनालाई असामान्य रूपमा हेरिएको छ। भारतीय विदेश मन्त्रालयले भने उक्त दाबी तत्कालै अस्वीकार गरेको छ।

मन्त्रालयका प्रवक्ता रणधीर जायसवालले माकिहाराको भनाइलाई व्यक्तिगत धारणा भन्नुभएको छ।