दिल्लीमा सीजेपीको प्रदर्शन, दीपके, ध्रुव राठी र ममता बनर्जीसहित धेरै नियन्त्रणमा

भारतको राजधानी नयाँदिल्लीमा कक्रोच जनता पार्टी अर्थात् सीजेपीको प्रदर्शनअघि प्रहरीले पार्टीका संस्थापक अभिजित दीपकेसहित धेरैलाई नियन्त्रणमा लिएको छ। मुम्बईबाट दिल्ली पुगेका दीपके, सौरभ दास र आशुतोष रांकालाई विमानबाटै हिरासतमा लिइएको पार्टीले जनाएको छ। चर्चित युट्युबर ध्रुव राठीलाई शनिबार बिहान गुरुग्रामको सेक्टर ५६ स्थित निवासबाट नियन्त्रणमा लिइएको छ।

भारतीय सञ्चारमाध्यमका अनुसार करिब ६०० समर्थक हिरासतमा छन्। सीजेपीले मुख्य निर्वाचन आयुक्त ज्ञानेश कुमारको राजीनामा र मतदाता नामावलीको विशेष पुनरावलोकन अर्थात् एसआईआर निलम्बन गर्न माग गर्दै जन्तरमन्तरमा प्रदर्शन आह्वान गरेको थियो। निर्वाचन आयोगले दोहोरो र अयोग्य नाम हटाउन पुनरावलोकन गरिएको भन्दै आरोप अस्वीकार गरेको छ।

प्रहरीले प्रदर्शनको अनुमति दिएको छैन। समाचार संस्था पीटीआईका अनुसार नयाँदिल्ली र हजरत निजामुद्दीन स्टेसन आवतजावत गर्ने २५० भन्दा बढी रेल रद्द गरिएका छन्। दिल्ली मेट्रोले करिब ४५ स्टेसनका प्रवेश र निकासद्वार पनि बन्द गरेको छ।

आम आदमी पार्टीका नेता अरविन्द केजरीवालले यो कारबाहीलाई सरकारको डरको संकेत बताउनुभएको छ।