चितवनमा तीन हजार ३६२ मतदाताको नाम मतदाता नामावलीबाट हटाइयो

जिल्ला निर्वाचन कार्यालय चितवनले तीन हजार ३६२ मतदाताको नाम मतदाता सूचीबाट हटाएको छ। मतदाता नामावली अद्यावधिक कार्यक्रमअन्तर्गत कार्यालयले यी नाम हटाएको हो।

कार्यालयका अनुसार दोहोरो दर्ता भएका, मृत्यु भएका र नागरिकता परित्याग गरेका व्यक्तिको नाम मतदाता नामावलीबाट हटाइएको हो।

मतदाता नामावलीलाई अद्यावधिक र शुद्ध बनाउने क्रममा यस्ता विवरण भएका मतदाताको नाम सूचीबाट हटाइएको कार्यालयले जनाएको छ।

निर्वाचन कार्यालयले मतदाता नामावली अद्यावधिक गर्ने काम जारी राखेको छ। हटाइएका नामसहित चितवन जिल्लाको मतदाता सूची अद्यावधिक भएको छ।