दसैँ सुरु भएयता मादक पदार्थ सेवन गरी सवारी चलाउने ६६३ चालक कारबाहीमा

दसैँ सुरु भएदेखि अहिलेसम्म मादक पदार्थ सेवन गरी सवारी साधन चलाउने ६६३ जना चालकलाई उपत्यका ट्राफिक प्रहरीले कारबाही गरेको छ।

ट्राफिक प्रहरीका अनुसार कारबाहीमा परेका सबै चालक दसैँ सुरु भएयताका हुन्। काठमाडौँमा रक्सी खाएर सवारी चलाउने ६ सयभन्दा बढी चालक कारबाहीमा परेका हुन्।

चाडपर्वका बेला मादक पदार्थ सेवन गरी सवारी चलाउनेमाथि ट्राफिक प्रहरीले निगरानी कडा पारेको छ। दसैँको समयमा सडकमा सवारी साधनको आवतजावत बढ्ने भएकाले ट्राफिक प्रहरीले मादक पदार्थ सेवन गरी सवारी चलाउनेविरुद्धको जाँच जारी राखेको छ।

प्रहरीले मादक पदार्थ सेवन गरेर सवारी साधन नचलाउन चालकहरूलाई आग्रह गर्दै आएको छ।