दशौँ राष्ट्रिय खेलकुद मंसिर १६ देखि, सुर्खेतको रंगशाला तयार

पटक-पटक मिति सरेर अन्योलमा परेको दशौँ राष्ट्रिय खेलकुद प्रतियोगिता आगामी मंसिर १६ देखि २७ गतेसम्म हुँदैछ। प्रतियोगिताका लागि सुर्खेतको रंगशाला तयार भएको छ।

प्रतियोगिताको तयारी संघीय सरकार र राष्ट्रिय खेलकुद परिषद्ले गरेका छन्। प्रतियोगिता हुने सुर्खेतको रंगशालामा १० हजार दर्शक अट्छन्।

प्रतियोगिताको मिति धेरैपटक सरेको थियो। अब भने मिति नसर्ने सदस्यसचिव मेहताले बताएका छन्। दसैं र तिहारको मिति नसरेजस्तै दशौँ राष्ट्रिय खेलकुदको मिति पनि नसर्ने उनको भनाइ छ।

दसैं सकिनेबित्तिकै नेपाल प्रिमियर लिग (एनपीएल) सुरु हुँदैछ। त्यसपछि मंसिरमा राष्ट्रिय खेलकुद प्रतियोगिता हुनेछ।