कर्जा माग सुस्त, वाणिज्य बैंकहरूको जोड घर र गाडी कर्जामा

कर्जाको माग सुस्त रहेका बेला वाणिज्य बैंकहरूले थुप्रिएको तरलता घर र गाडी कर्जामा लगाउन थालेका छन्। २० वाणिज्य बैंकले चालु आर्थिक वर्षको साउन मसान्तसम्म यी दुई शीर्षकमा करिब ५ खर्ब १९ अर्ब रुपैयाँ कर्जा दिएका छन्, जुन कुल कर्जाको करिब ९.८ प्रतिशत हो। नेपाल राष्ट्र बैंकको तथ्याङ्कअनुसार त्यसमध्ये घर कर्जा करिब ३ खर्ब ७३ अर्ब र सवारी कर्जा करिब १ खर्ब २९ अर्ब रुपैयाँ छ।

पछिल्ला तीन वर्षमा कर्जा वृद्धि करिब ६ प्रतिशतमा सीमित हुँदा निक्षेप १३ देखि १४ प्रतिशतसम्म बढेको छ। बैंकिङ प्रणालीमा झन्डै १६ खर्ब रुपैयाँ लगानीयोग्य रकम थुप्रिएको छ। ग्राहक तान्न बैंकहरूले घर र गाडी कर्जामा कम ब्याजदरका योजना ल्याइरहेका छन्।

यी दुई क्षेत्रमा लगानी गर्नेमा ग्लोबल आईएमई बैंक सबैभन्दा अगाडि छ।