स्थानीय तह निर्वाचन: रास्वपाले सात उपसमिति गठन गर्‍यो, महानगर–उपमहानगरमा उम्मेदवारी आवेदन खुला

राष्ट्रिय स्वतन्त्र पार्टी (रास्वपा) ले आगामी स्थानीय तह निर्वाचनका लागि सातवटा उपसमिति गठन गरेको छ। उम्मेदवार छनोटको रूपरेखा कार्यान्वयन र समन्वय गर्न यी उपसमिति बनाइएका हुन्।

पार्टीले महानगरपालिका र उपमहानगरपालिकाका वडाध्यक्ष र वडा सदस्य पदमा उम्मेदवारी दिन चाहनेहरूका लागि आवेदनसमेत खुला गरेको छ। उम्मेदवार छनोट प्रक्रियालाई तीव्रता दिने गरी यो निर्णय वनस्थलीस्थित पार्टीको केन्द्रीय कार्यालयबाट गरिएको हो।

स्थानीय तह निर्वाचनलाई लक्षित गरी रास्वपाले उम्मेदवार छनोटको तयारी अघि बढाएको हो। उपसमितिहरूले छनोट रूपरेखा लागू गर्ने र विभिन्न तहबीच समन्वय गर्ने काम गर्नेछन्।