मध्यपूर्व युद्ध अन्त्यको वार्ताका लागि कतारी प्रतिनिधिमण्डल तेहरानमा

मध्यपूर्वको युद्ध अन्त्य गर्ने वार्ताका लागि कतारको एक प्रतिनिधिमण्डल शुक्रबार इरानको राजधानी तेहरान पुगेको छ। इरानी समाचार संस्था इर्नाका अनुसार कतारी प्रधानमन्त्रीका वरिष्ठ सल्लाहकारको नेतृत्वको टोलीले इरानी अधिकारीहरूसँग द्विपक्षीय सम्बन्ध र क्षेत्रीय घटनाक्रमबारे छलफल गरेको छ। यसैबीच मध्यस्थकर्ताहरूले अमेरिकासँगको शान्ति वार्ता फेरि सुरु गराउने प्रयास गरिरहेका छन्।

अमेरिकी उपराष्ट्रपति जेडी भान्सले इरानका सुरक्षा प्रमुख मोहसेन रेजाईलाई सम्बोधन गरेर लेखेको पत्र प्राप्त भएको इरानी सञ्चारमाध्यमले बताएको भोलिपल्ट यो भ्रमण भएको हो। युद्धमा फेरि शत्रुता बढ्ने जोखिम देखिएपछि पछिल्ला केही दिनमा क्षेत्रका धेरै देशका वरिष्ठ अधिकारी तेहरान पुगेका छन्। यो युद्ध आठ महिनाअघि सुरु भएको थियो।