भारतको उत्तराखण्डमा हेलिकप्टर दुर्घटना, पाइलटसहित सवार सबै ६ जनाको मृत्यु

भारतको उत्तराखण्डमा शुक्रबार दिउँसो भएको हेलिकप्टर दुर्घटनामा पाइलटसहित सवार सबै ६ जनाको मृत्यु भएको छ।

ट्रान्स भारत एभिएसन प्रालिले सञ्चालन गरेको यो हेलिकप्टर धार्मिक स्थल बद्रीनाथ धामबाट देहरादुनको सहस्रधारातर्फ आउँदै थियो। चमोली जिल्लाको जोशीमठ नजिकै यो दुर्घटनाग्रस्त भएको हो।

हेलिकप्टरमा पाइलटसहित ६ जना सवार थिए। खबरहबका अनुसार दुर्घटनामा कोही पनि बाँचेनन्।