सरुवा निर्णय कार्यान्वयन नगरेपछि तीन स्थानीय तहको आर्थिक अधिकार रद्द, खाता रोक्का

भूमि व्यवस्था, सहकारी, सङ्घीय मामिला तथा सामान्य प्रशासन मन्त्रालयले तीन स्थानीय तहका प्रमुख प्रशासकीय अधिकृतको आर्थिक अधिकार रद्द गरेको छ। मन्त्रालयले गरेको सरुवा निर्णय कार्यान्वयन नभएपछि यस्तो कदम चालिएको हो।

मन्त्रालयले जुम्लाको कनकासुन्दरी गाउँपालिका, पर्साको जिराभवानी गाउँपालिका र काठमाडौंको बुढानिलकण्ठ नगरपालिकाको खाता रोक्का गरेको छ।

सरुवा भएर नयाँ जिम्मेवारीमा जानुपर्ने कर्मचारी पालिकामै बसेपछि मन्त्रालयले यी पालिकाका प्रमुख प्रशासकीय अधिकृतको आर्थिक अधिकार रद्द गरेको हो। मन्त्रालयको सरुवा निर्णय कार्यान्वयन नहुँदा यी तीन पालिकाको आर्थिक कारोबार रोकिएको छ।