कलाकारको तस्बिर देखाएर अनलाइन ठगी, प्रहरीले बतायो साइबर ठगीका १९ तरिका

सामाजिक सञ्जालमा चर्चित कलाकार र उद्यमीको तस्बिर राखेर छोटो समयमै धेरै कमाइ हुने प्रलोभन देखाउँदै अनलाइन ठगी भइरहेको छ। एक घण्टामै हजारौँ रुपैयाँ कमाइ भएको र थप लगानी गरे अझ बढी कमाइ हुने दाबी गर्ने पोस्ट र भिडियो फैलाइएका छन्। ठगहरूले यसरी जालमा पार्ने तरिकालाई 'आइस फिसिङ' नाम दिएका छन्।

चिनेको अनुहार देखेर विश्वास गर्दै लिंक खोल्दै जाँदा आफ्नो पैसा सकिएका सूचना प्रहरीसम्म आइरहेका छन्। ठगहरूले गुगल वा एप्पलको आधिकारिक स्टोरमा नभएका एप, लिंकमार्फत 'एपीके' फाइलका रूपमा डाउनलोड गर्न लगाउने गरेका छन्। तपाईंलाई यस्तो लिंक आए नखोल्न र सतर्क रहन आग्रह गरिएको छ।

केवाइसी अद्यावधिक हुँदै गरेको भन्दै ह्वाट्सएपमार्फत व्यक्तिगत विवरण र मोबाइलमा आएको ओटिपी माग्ने ठगी पनि देखिएको छ।