कोप–३१ मा नेपालको प्राथमिकता: जलवायु न्याय, अनुकूलन र हानि–नोक्सानी

नेपालले कोप–३१ मा जलवायु न्याय, हिमाली क्षेत्रको संरक्षण, जलवायु अनुकूलन र हानि–नोक्सानीलाई मुख्य प्राथमिकता बनाउने भएको छ। जलवायु परिवर्तनसम्बन्धी संयुक्त राष्ट्रसङ्घीय महासन्धिका पक्ष राष्ट्रहरूको यो ३१औँ सम्मेलन कात्तिक २३ देखि मङ्सिर ४ सम्म टर्किएको अन्ताल्यामा हुँदैछ। जलवायु परिवर्तनमा नेपालको योगदान न्यून भए पनि त्यसको मार भोगिरहेको तथ्य विश्वसमक्ष राख्दै जलवायु न्यायका पक्षमा पैरवी गर्ने तयारी भएको वन तथा वातावरण मन्त्रालयले जनाएको छ।

हिमाली क्षेत्रमा जोखिम बढ्दै गएको र हालैका विपद्ले त्यसको संवेदनशीलता देखाएको मन्त्रालयका सचिव राजेन्द्रप्रसाद मिश्रले बताउनुभएको छ। हिमाली क्षेत्रको संरक्षण र जोखिममा परेका समुदायले भोगिरहेको क्षतितर्फ नेपालले अन्तर्राष्ट्रिय समुदायको ध्यान खिच्ने उहाँले जानकारी दिनुभएको छ।