एसियन पारा खेलकुद: पौडीमा हर्कमान घर्ती फाइनलमा

जापानमा भइरहेको आइची–नागोया २०२६ एसियन पारा खेलकुदमा नेपालका हर्कमान घर्तीले पौडीको फाइनलमा स्थान पक्का गर्नुभएको छ। उहाँ पुरुषतर्फको ५० मिटर फ्रिस्टाइल स्पर्धाको एस–५ वर्गमा प्रतिस्पर्धा गर्दै हुनुहुन्छ। राष्ट्रिय पारा पौडी संघ नेपाल, अर्थात् एनपीएसएएनका अनुसार घर्ती प्रारम्भिक हिट्स चरण पार गरेर फाइनलमा छानिनुभएको हो।

एसियन पारा खेलकुदमा यो तहको फाइनलसम्म पुग्ने घर्ती पहिलो नेपाली पारा पौडी खेलाडी हुनुभएको संघले जनाएको छ। संघले घर्तीको सफलतालाई ऐतिहासिक उपलब्धि भनेको छ। घर्तीको अनुशासन, हिम्मत र निरन्तर मेहनतले देशका अन्य पारा खेलाडीलाई हौसला मिलेको संघको भनाइ छ।

संघले यो उपलब्धिमा योगदान दिने प्रशिक्षक, परिवारका सदस्य र सबै सहयोगीप्रति धन्यवाद व्यक्त गर्दै फाइनलका लागि शुभकामना दिएको छ।