लिग–२ क्रिकेट: शृङ्खलाको अन्तिम खेलमा आज नेपाल र ओमान भिड्दै

आईसीसी विश्वकप क्रिकेट लिग–२ अन्तर्गत ओमानमा जारी एकदिवसीय शृङ्खलाको अन्तिम खेलमा नेपालले आज घरेलु टोली ओमानसँग खेल्दै छ।

दुई टोलीबीचको खेल अल अमेरात क्रिकेट ग्राउन्डमा नेपाली समयअनुसार आज बिहान सवा ११ बजेदेखि सुरु हुनेछ।

यो खेल नेपालका लागि महत्त्वपूर्ण मानिएको छ। लिग–२ को शीर्ष ६ मा अटाउन नेपाललाई यो खेल जित्नैपर्ने दबाब रहेको सञ्चारमाध्यमहरूले जनाएका छन्। एकदिवसीय मान्यता जोगाउन पनि नेपालले यो खेलमा ओमानलाई हराउनुपर्ने अवस्था रहेको छ।

ओमानमा जारी शृङ्खला आजको खेलसँगै सकिनेछ।