प्यालेस्टिनी राष्ट्रपति र संसदीय निर्वाचन सन् २०२७ सेप्टेम्बरसम्म स्थगित

प्यालेस्टिनी राष्ट्रपति महमूद अब्बासले राष्ट्रपति र संसदीय निर्वाचन दुवै करिब एक वर्ष पर सारेका छन्। अब दुवै निर्वाचन सन् २०२७ सेप्टेम्बर ११ मा एकैदिन गराइने छ। राष्ट्रपतिको कार्यालयका अनुसार अब्बासले शनिबार राष्ट्रपतीय आदेश जारी गरेर दुवै निर्वाचनको नयाँ मिति तोकेका हुन्।

यसअघि संसदीय निर्वाचन यही वर्षको नोभेम्बर २८ मा गर्ने तय भएको थियो। राष्ट्रपतीय निर्वाचन भने सन् २०२७ को सुरुतिर हुने अपेक्षा गरिएको थियो। कार्यालयले वाफा समाचार एजेन्सीमार्फत शनिबार विज्ञप्ति जारी गरी निर्णयको जानकारी दिएको छ।

सार्वजनिक भएका विवरणमा निर्वाचन सार्नुको कारण खुलाइएको छैन। अन्तर्राष्ट्रिय समुदायले प्यालेस्टिनी क्षेत्रमा संसदीय निर्वाचन गराउन लामो समयदेखि जोड दिँदै आएको छ।