नोबेल शान्ति पुरस्कार नपाएपछि ट्रम्पद्वारा नर्वेको आलोचना

अमेरिकी राष्ट्रपति डोनाल्ड ट्रम्पले सन् २०२६ को नोबेल शान्ति पुरस्कार आफूले नपाएपछि नर्वेको चर्को आलोचना गरेका छन्। शुक्रबार न्युयोर्कको सिराक्युजमा चुनावी सभालाई सम्बोधन गर्दै उनले यो निर्णय लाजमर्दो भएको र यसले नर्वेको प्रतिष्ठामा कहिल्यै नमेटिने दाग लगाएको टिप्पणी गरेका छन्। यस वर्षको पुरस्कार दक्षिण अफ्रिकाकी नवी पिल्लैलाई दिइएको छ।

उनी अन्तर्राष्ट्रिय फौजदारी अदालतकी पूर्वन्यायाधीश र संयुक्त राष्ट्रसङ्घकी पूर्वमानवअधिकार प्रमुख हुन्। अन्तर्राष्ट्रिय न्याय र मानवअधिकारको क्षेत्रमा पुर्‍याएको योगदानका लागि उनलाई यो पुरस्कार दिइएको हो। ट्रम्पले पिल्लैको नाम नै नसुनेको बताएका छन्।

आफूले आठ वटा युद्ध रोकेकाले आठ पटक नोबेल पाउनुपर्ने उनको दाबी छ। भारत–पाकिस्तान युद्ध रोक्न भूमिका खेलेको दाबी पनि उनले दोहोर्‍याएका छन्। दुई कोरिया, जापान र उत्तर कोरिया तथा चीन र ताइवानबीचको तनाव घटाउन आफ्नो भूमिका रहेको पनि उनले बताएका छन्।

इरान तथा रुस–युक्रेन युद्धसम्बन्धी आफ्नो प्रयासबारे पनि ट्रम्पले दाबी गरेका छन्।