जनकपुरधामको राजदेवी मन्दिरमा महाअष्टमीमा १४ हजार ८९१ बोका बलि

जनकपुरधामस्थित राजदेवी मन्दिरमा यस वर्ष १४ हजार ८९१ वटा बोका बलि दिइएको छ।

बडादसैँ पर्वअन्तर्गत महाअष्टमीको अवसरमा आइतबार रातिदेखि आज बिहानसम्म मन्दिरमा उक्त सङ्ख्यामा बोका बलि चढाइएको हो।

महाअष्टमीका दिन मन्दिरमा पुगेर भक्तजनले पूजाआराधना गर्दै बलि चढाएका थिए। यस वर्ष बलि दिइएका बोकाको सङ्ख्या करिब १५ हजार पुगेको छ।

बडादसैँका क्रममा नवरात्रभर देवी मन्दिरहरूमा पूजाआराधना हुने गर्छ। राजदेवी मन्दिरमा पनि महाअष्टमीको अवसरमा बलि चढाउनेहरूको भीड लागेको थियो।