दसैँका लागि पोखरामा १४ हजार ८०० भेडाच्याङ्ग्रा भित्रिए, हाटबजारबाट बिक्री

बडादसैँलाई लक्षित गरी पोखरामा १४ हजार ८०० भेडाच्याङ्ग्रा भित्रिएका छन्। व्यापारीले हिमाली जिल्ला मुस्ताङसहित दार्चुला, बझाङ, बाजुरा र डोल्पाबाट बिक्रीका लागि भेडाच्याङ्ग्रा पोखरा ल्याएका हुन्।

ती भेडाच्याङ्ग्रा बिक्री गर्न पोखरामा हाटबजार सञ्चालन गरिएको छ। सिमपानी र हेम्जामा हाटबजार सञ्चालन गरिएको जनाइएको छ।

दसैँको रौनक गाउँ–सहरमा फैलिन थालेसँगै गण्डकीको मुख्य व्यापारिक केन्द्र पोखरामा समुद्री सतहदेखि ४ हजार मिटरभन्दा माथिका क्षेत्रबाट आएका च्याङ्ग्राको व्यापारले छुट्टै चहलपहल थपिने गरेको छ।

यस वर्ष मुस्ताङबाट गोठालासँगै जनप्रतिनिधि पनि मुस्ताङी च्याङ्ग्रा बेच्न पोखरा आइपुगेका छन्।